विभागातील अधिकारी कर्मचाऱ्यांमध्ये वाचनसंस्कृती जपण्यासाठी समितीच्या माझगांव कार्यालयात ग्रंथालय सुरू करण्यात आले. स्थापनेपासून सदर ग्रंथालयास शिवप्रेमी अधिकारी - कर्मचाऱ्यांचा उदंड प्रतिसाद लाभला आहे. आजमितीस समितीच्या ग्रंथालयात विविध विषयांवरील सुमारे ५५०० हून अधिक पुस्तके उपलब्ध आहेत. या ग्रंथालयाच्या दोन अनोख्या बाबी म्हणजे विभागातील शिवप्रेमी अधिकारी कर्मचारी आपापल्या आयुष्यातील एखाद्या आनंदाच्या प्रसंगी ग्रंथालयाला पुस्तक भेट देत असतात. तसेच, विभागातील परीक्षार्थी युवा अधिकारी कर्मचाऱ्यांना त्यांच्या अभ्यासासाठी समितीचे ग्रंथालय विनामोबदला उपलब्ध करुन देण्यात येते. समितीच्या ग्रंथालयात अभ्यास करणाऱ्या अनेक शिवप्रेमींनी विविध स्पर्धा परीक्षेत उत्तुंग यश प्राप्त केलेले आहे. समितीला याचा सार्थ अभिमान आहे.त्याचप्रमाणे माझगांव कार्यालयाच्या आवारातील बागेत असलेल्या श्री. गजानन मंदिरामध्ये समितीतर्फे छोटेसे सुसज्ज वृत्तपत्र वाचनालय सुरू करण्यात आले आहे.